Мақсат Арлан

11А сынып оқушысы Мақсат Арлан мектебімізде 7-сыныптан бастап оқып келе жатыр. Арлан – өте жауапкершілігі мол, өз мақсатына айқын қадаммен келе жатқан мектебіміздің мақтаныштарының бірі. 2021-2022 оқу жылында «ДОСТЫҚ» білім беру орталығының ұйымдастырған республикалық олимпиадасының физика-математикалық бағытының жеңімпазы атанып, 1 жылдық оқу грантын ұтып алды.  Арлан - мектепшілік және қалалық, облыстық деңгейдегі қоғамдық іс-шараларға да белсенділікпен қатысып жүрген оқушы.  2023 жылы қаңтар айында өткен ҰБТ-ке қатысып, 130 бал, соның ішінде физика пәнінен 45 балдың 44 балын алғандығының өзі оқушының физикаға деген қызығушылығының жоғары екендігінің дәлелі. Біз– Арланның болашағынан зор үміт күтеміз.